📖📖📓📓📖📖📓📓📖📖
▩▩▩▩▩▩▩▩▩◈◈■◈■◈◈▩▩▩▩▩▩▩▩▩
☞ meelad un nabi ﷺ - Meelad un Nabee Sallallahu Alaihi Wasallam ﷺ -Hadith ki Roshni me....
▩▩▩▩▩▩▩▩▩◈◈■◈■◈◈▩▩▩▩▩▩▩▩▩
▩▩▩▩▩▩ 🅿ART 3⃣ ▩▩▩▩▩▩
📝 ☞ Ab Aap ye soch rahey hain honegy ki EK Hadith mein ye hai ki Deen mein Achchi achchi baatein nikal saktey hain aur dusri Hadith mein ye hai ki "….. Har Naya kaam Bidat hai aur har bidat gumrahi hai aur har gumnrahi jahannam mein le janey wali hai " to ek baat sun lijiye ki Rasoollallah Sallallhu Alaihi Wasallam ﷺ ki ek haidth kabhi dusri haidth ya Aayat se nahi takrati bahut se Muhaddesin ka ye Qaul hai ki ye Haidth gumarahi ki bidat ke liye hain ....jisko ek aur Hadith mein Aap Sallallahu Alaihi Wasallam ﷺ ne saaf farma diya hai…
📝 ☞ "...Jisney Gumarahi ki Bidat nikali jisey Allah aur uskey Rasoollallah Sallallhu Alaihi Wasallam ﷺ pasand nahi kartey to us par utna hi gunaah hai jitna us buraii ke karney walon par..aur is sey unkey gunaahon ke bojh mein bilkul kami nahi hogi."..
📚 Jamia Tirmidhi, Vol 2, ilm ka Bayan, Haidth 573
📝 ☞ Is hadith mein Rasoollallah Sallallhu Alaihi Wasallam ﷺ ne lafz Gumrahi ki bidat (بدعة ضلالة ) kah kar Ummat ko ye bata diya ki kuch Bidate Gumrahi ki hain aur Bidat-e-Hasna bhi hain tabhi to Sahaba Radi Allahu anhhuma ne Deen mein Achchi bidat nikali warna sahaba radi allahu anhuma aisa koi kaam nahi kartey jo Rasoollallah Sallallhu Alaihi Wasallam ﷺ ne nahi kiya. Allah knows Best..
📝 ☞ Milad ki mehfil ya julus mein kya kya hota hai Aao check karey
Milad ki Mehfil ya Julus mein Allah aur uskey Rasoollallah Sallallhu Alaihi Wasallam ﷺ ka zikr hota hai:
📝 ☞ Abu Huraira Radi Allahu Anhu se aur Abu Saeed Khudri Radi Allahu Anhu se rivayat hai ki Rasoollallah Sallallhu Alaihi Wasallam ﷺ ne farmaya jab koi jamaat Allah ka zikr karti hai to farishtey unko gher lete hain, aur Rahmat Un par cha jati hai, aur un par taskeen nazil kar di jati hai phir Allah apni majlis mein unka zikr karta hai -
📚jamia Tirmidhi, Vol 2, ilm ka Bayan, Hadith 1302
📝 ☞ Milad Rasoollallah Sallallhu Alaihi Wasallam ﷺ ki Muhabbat mein manaya jata hai:
Anas Radi Allahu Anhu se rivayat hai ki Ek Bedouin Rasoollallah Sallallahu Alaihi Wasallam ﷺ ke pass aaya aur kaha ki Qayamat kab aayegi to Aap Sallallahu Alaihi wasallam ﷺ ne farmaya Afsos ! tumney us Qayamat ke liye kya tayyyari ki hai, usney kaha mainey uskey liye to koi tayyari nahi ki hai lekin main Allah aur uskey Rasool Sallallahu Alaihi Wasallam ﷺ se mohabbat rakhta hun, to Aap Sallallahu Alaihi wasallam ﷺ
ne farmaya phir tum Qayamat ke din unkey saath rahogey jin se mohabbat kartey ho
📚 Sahih Bukhari, 6167
📝 ☞ Milad Sirf or Sirf Allah aur uskey Rasool Sallallahu Alaihi Wasallam ﷺ ki Raza hasil karney ki niyat se manaya jata hai:
Umar bin Al-Khattab Radi Allahu Anhu se rivayat hai ki Amal ka daromadar Niyat par hai aur har shaksh ko wohi milta hai jiski wo niyat karey isliye jiski hijrat (emigration) Allah aur uskey Rasool Sallallahu Alaihi Wasallam ﷺ ki Raza hasil karney ke liye ho to usko Allah aur uskey Rasool ﷺ ki Raza hasil hogi lekin jiski hijrat duniya hasil karney ke liye ho ya kisi aurat se shaadi karney ke iradey se ho to uski hijrat uskey liye hai jiskey liye usney hijrat ki.
📚 Sahih Bukhari, 5070
📝 ☞ Milad ki Mehfil ya julus mein Rasoollallah Sallallhu Alaihi Wasallam ﷺ par Durud aur Salam parha jata hai
Beshaq Allah Subhanahu aur uskey Farishtey Nabee Sallallahu Alaihi Wasallam ﷺ par Durud bhejtey hain, Eh Momeeno tum bhi un par Durud aur salam bheja karo...
📚 Al Quran, Surah Al-Ahzab (33), Aayah 56
📝 ☞ Ab ye batao ye sab kaaam Apaki nazar mein achchey hain ya nahi….Agar haan to phir is haidth parh lijiye aur us par imaan le aaeeye:
Hadith: Jarer bin Abdullah radi allahu anhu se rivayat hai ki Rasoollallah Sallallhu Alaihi Wasallam ﷺ ne farmaya Jo Shaksh Islam mein achchi baat nikale phir log iskey baad us par Amal karey to usko itna sawab hoga jitna sab Amal karney walo ko hoga, aur Amal karney walon ke sawab mein kuch kami na hogi aur Jo islam mein buri baat nikale log uskey baad us par amal karey to tamam Amal karney walo ke barabar Gunaah us par likha jayega aur Amal karney walo ka Gunaah kuch kam na hoga.. -
📚( Sahih Muslim, 6800 & jamia Tirmidhi, Vol 2, ilm ka Bayan, Haidth 570)
▩▩▩▩▩▩▩▩▩▣▣■◈■▣▣▩▩▩▩▩▩▩▩▩
Continue...
Posted by.....
🍄🍄 TALIB E DU'AA
🍄🍄 Jamaluddin Raza
↭↭↭↭↭↭↭↭↭↭↭↭↭↭
No comments:
Post a Comment